ଭୁବନେଶ୍ୱର: ଭୁବନେଶ୍ୱରର ଇମେଜ ହଲ୍ ଠାରେ ରେଲୱେ ଚିଲଡ୍ରେନ୍ ଇଣ୍ଡିଆ (ଆରସିଆଇ)ର ସହଭାଗିତାରେ ହମାରା ବଚପନ ଟ୍ରଷ୍ଟ ଦ୍ୱାରା ଏକ ରାଜ୍ୟସ୍ତରୀୟ କର୍ମଶାଳା ଆୟୋଜନ କରାଯାଇଥିଲା। ଏଥିରେ ଓଡ଼ିଶାରେ ଶିଶୁ ସୁରକ୍ଷାକୁ ଶକ୍ତିଶାଳୀ କରିବା ଦିଗରେ ଯୋଜନା ଏବଂ ବିକାଶ ପାଇଁ ଆଲୋଚନା କରାଯାଇଥିଲା। ଏଥିରେ ରାଜ୍ୟ ତଥା ଜିଲ୍ଲାସ୍ତରୀୟ ହିତାଧିକାରୀମାନେ ଅଂଶଗ୍ରହଣ କରିଥିଲେ। ଏହି ଉତ୍ସବରେ ଓଏସସିପିସିଆର ଅଧ୍ୟକ୍ଷା ମନ୍ଦାକିନୀ କର, ରାଜ୍ୟ ଶ୍ରମ କମିସନର ଡକ୍ଟର ଏନ ତିରୁମାଲା ନାୟକ ଏବଂ ଟ୍ୱିନ୍ ସିଟି ପୁଲିସ୍ କମିସନର ସୌମେନ୍ଦ୍ର ପ୍ରିୟଦର୍ଶୀ ଅତିଥି ଭାବେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ସିଡିପିଓ, ସିଡବ୍ଲ୍ୟୁସି ସଦସ୍ୟ, ଗଞ୍ଜାମ, ଭଦ୍ରକ, କେନ୍ଦୁଝର, ଖୋର୍ଦ୍ଧା ଏବଂ କଟକ ଜିଲ୍ଲାର ଜେଜେବି ସଦସ୍ୟ, ଇନ୍ସପେକ୍ଟର (ଆରପିଏଫ, ଭୁବନେଶ୍ୱର), ସିନିୟର ଟ୍ରାଫିକ ମ୍ୟାନେଜର (ସୁରକ୍ଷା) ପୂର୍ବତଟ ରେଳବାଇ, ନାଗରିକ ସମାଜ ସଂଗଠନ ଏବଂ ସମ୍ପ୍ରଦାୟର ପ୍ରତିନିଧିଙ୍କ ସମେତ ୬୧ଜଣ ରାଜ୍ୟ ତଥା ଜିଲ୍ଲାସ୍ତରର ହିତାଧିକାରୀ ଅଂଶଗ୍ରହଣ କରିଥିଲେ।
ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା ରାଜ୍ୟରେ ଶିଶୁ ସୁରକ୍ଷା ପ୍ରଣାଳୀକୁ ମଜଭୁତ କରିବା ଏବଂ ଏଥିପାଇଁ କାର୍ଯ୍ୟ ଯୋଜନାର ଏକ ସମନ୍ୱୟ ଯୋଜନା ପ୍ରସ୍ତୁତ କରିବା। ହମାରା ବଚପନ ଟ୍ରଷ୍ଟର ପ୍ରତିଷ୍ଠାତା ଅଧ୍ୟକ୍ଷା ଧରିତ୍ରୀ ପଟ୍ଟନାୟକ ଏବଂ ଅନ୍ୟ ଅତିଥିମାନେ ପ୍ରଦୀପ ପ୍ରଜ୍ଜ୍ବଳନ କରି କାର୍ଯ୍ୟକ୍ରମର ଉଦଘାଟନ କରିଥିଲେ। ଏହାପରେ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।ରେଲୱେ ଚିଲଡ୍ରେନ୍ ଇଣ୍ଡିଆର ସିନିୟର ପ୍ରୋଗ୍ରାମ ମ୍ୟାନେଜର ଜନ୍ ବସ୍କ ଏବଂ ପ୍ରୋଜେକ୍ଟ ମ୍ୟାନେଜର ରୀନାରାଣୀ ବେହେରା, ଶିଶୁ ସ୍ଥାନାନ୍ତରର ପରିବର୍ତ୍ତନ ଧାରା ବିଶେଷ କରି ବାଳିକା ଶିଶୁ ଏବଂ ସେମାନଙ୍କ ସହ ଜଡ଼ିତ ବିପଦ ଉପରେ ଆଲୋଚନା କରିଥିଲେ।
ହମାରା ବଚପନ ଟ୍ରଷ୍ଟ ପକ୍ଷରୁ ଶିଶୁ ସୁରକ୍ଷା କର୍ମଶାଳା
Share Now: